ӨМІРБАЯН
Жакаева Зина Аширжановна 20.10.1961 жылы Шығыс Қазақстан облысы, Тарбағатай ауданы, Қамысты ауылында дүниеге келген. 1979 жылы Ласты совхозындағы В.И.Ленин атындағы 11 жылдық мектепті бітірді.
1982 жылы Өскемен қаласындағы педагогикалық институтқа түсіп, 1987 жылы «Химия және биология» мамандығы бойынша бітірді.
1987 жылы Тарбағатай ауданы, Ласты совхозына қарасты Асусай фермасындағы сегізжылдық Асусай мектебінде пионер вожатый және кітапханашы болып жұмыс істеді.
1988 жылы Жалаңаш ауылындағы С.Көбеев атындағы сегізжылдық мектепке химия және биология пәнінің мұғалімі болып ауысты.
1990-1991 жылдар аралығында Ақжар ауылында балабақшада тәрбиеші болып қызмет атқарды.
1992-1993 жылдары Тарбағатай аудандық білім беру бөліміне әдіскер болып қабылданып, кадр бөлімінің испекторы болып ауысты.
1997-2016 жылдары Жетіарал ауылындағы В.И.Ленин атындағы орта мектептің директордың оқу ісі жөніндегі орынбасары қызметін атқарды.
2016 жылдың 21 қазанында «Жетіарал мектеп-балабақша кешені» КММ-нің директоры болып тағайындалып, қазіргі уақытқа дейін осы мектепте жас жеткіншектерді сапалы оқыту және тәрбиелеу жұмысында жемісті еңбек етуде. Көшбасшы бола отырып ТАБЫСТЫ МЕКТЕП іргетасын қалауда жұмыс атқаруда.
Мектеп директоры Жакаева Зина Аширжановна
2017 жылы аудан мектептері арасында мектеп аумағын жоғары деңгейде абаттандырып, абаттандыру жұмысына белсене ат салысқаны үшін аудан әкімінің Алғыс хатымен марапатталды.
2017 жылы Шығыс Қазақстан гуманитарлық колледжінің Алғыс хатымен марапатталды.
2019 жылы «Табысты менеджер. Басқарудың тиімді әдістері» тақырыбындағы білім беру ұйымдары басшыларының педагогикалық оқуларының аудандық кезеңінде І орын алып, Өскемен қаласында өткен облыстық кезеңінде жүлделі ІІ орын иеленіп, Шығыс Қазақстан облыстық білім басқарамысының мадақтамасымен марапатталды.
2019 жылы 26 сәуір айында Нұр-Сұлтан қаласында өткен «Инклюзивті білім беру: теория, практика, тәжірибе» атты халықаралық ғылыми-практикалық конференциясына барып қатысып, іс тәжірибе алмасып қайтты.
Зина Аширжановна басшылық қызметпен қатар бірнеше жыл биология мамандығы бойынша қызмет атқарып, шәкірттерінің биология ғылымына деген қызығушылықтарын арттырып, қызметінің нәтижелерін көрсетіп отыр:
2007 жылы Тәуелсіз Қазақстанның рухани және әлеуметтік дамуы жолында қол жеткен табыстары және оның гүлденуіне қосқан үлесі үшін Қазақстан Республикасы Білім және ғылым министрлігінің Құрмет грамотасымен марапатталды.
Мектепте биология-химия пәнінен сабақ беріп, сапалы білім беруде. Бірыңғай Ұлттық тестте /ҰБТ/ биология пәнінен төмендегідей нәтиже көрсетті:
2013-2014 оқу жылы 6 оқушы, орта балл-19,6
2014-2015 оқу жылы 2 оқушы, орта балл-18,5
2015-2016 жылы 4 оқушы, орта балл-17,3
2016-2017 жылы 3 оқушы, орта балл-38
Шәкірттері биология пәнінен жоғары нәтиже көрсете отырып, мемлекеттік гранттармен жоғары оқу орындарында білім алуда. 2014-2015 оқу жылында Қайратова Іңкәр ҰБТ-те биология пәнінен 24 балл жинап, жоғары нәтиже көрсетіп, білім грантын иеленді. 2016-2017 оқу жылы Отанова Балжан Шәкәрім атындағы Семей мемлекеттік университетінің биотехнология мамандығының білім грантын иеленді.
2012 жылы «Жәкула Күшікұлы» атындағы химия-биология пәндері бойынша І аудандық олимпиадасында 11-сынып оқушысы Төкен Дастан биологиядан ІІІ орын иеленіп, бағалы силықтармен және аудандық білім беру бөлімінің мадақтамасымен марапатталды.
2013 жылы халықаралық қазақ творчестволық «Бейбітшілік әлемі» бірлестігінің «Жұлдызды талант-Звездный талант» ІІІ республикалық оқушылар фестиваліне ат салысып, жасөспірімдерге тәрбие беру ісіне сіңірген еңбегі үшін Алғыс хатпен марапатталды.
2013 жылы «Жәкула Күшікұлы» атындағы химия-биология пәндері бойынша ІІ аудандық олимпиадасына биология пәнінен 10-сынып оқушысы Ибраимова Камила қатысып, жүлделі ІІІ орын иеленіп, аудандық білім беру бөлімінің мадақтамасымен марапатталды.
2015 жылы Шығыс Қазақстан облысы, Тарбағатай аудандық биология-химия пәндері бойынша өткен «Жәкула» атындағы аудандық олимпиадаға биология пәні бойынша 9-сынып оқушысы Байдуллаева Ақерке қатысып, жүлделі ІІІ орын иеленіп, аудандық білім беру бөлімінің дипломымен марапатталды.
2016 жылы Би Боранбай атындағы орта мектепте өткен «Жакула Күшікұлы» атындағы аудандық олимпиадада 10-сынып оқушысы Отанова Балжан биология пәнінен жүлделі ІІІ орын иеленіп, бағалы силықтармен және аудандық білім беру бөлімінің дипломымен марапатталды.
2013-2014 оқу жылында Өскемен қаласында өткен мектеп оқушыларының облыстық экологиялық-биологиялық конференциясына 7-сынып оқушысы Қатиева Тоты «Жетіарал өңіріндегі құстар» жобасымен қатысып, сертификат иеленді.
2014-2015 оқу жылында Қазақстан Республикасы Білім және ғылым министрлігінің «Республикалық қосымша білім беру оқу-әдістемелік орталығының» ұйымдастыруымен өткен жалпы білім беру ұйымдарындағы білім алушылары арасында «Бәрі сенің қолыңда» тақырыбындағы сырттай республикалық байқауына 10-сынып оқушысы Байдуллаева Ақерке және Қатиев Еркебұлан қатысты. Байқау нәтижесінде Байдуллаева Ақерке №1153 І дәрежелі Дипломмен және Қатиев Еркебұлан №1188 ІІІ дәрежелі Дипломмен марапатталды.
2015-2016 оқу жылында «Биолог анықтамалығы» республикалық ғылыми-танымдық педагогикалық журналының «Үздік слайд-2015» сайысына қатысып, журнал дискісіне жарияланған танымды слайд-презентациялары үшін және оқушылардың шығармашылықпен жұмыс істеуіне мүмкіндік беріп, жетекшілік жасағаны үшін Зина Ашіржанқызына сертификат берілді.
2015-2016 оқу жылында «Биолог анықтамалығы» республикалық ғылыми-танымдық педагогикалық журналының «Үздік слайд-2015» байқауына 7-сынып оқушысы Болатқызы Еркетаң және Серіков Сәкен «Ғарыштағы өсімдіктер» жобасымен қатысып, журнал дискісіне жарияланған танымды слайд-презентациялары үшін сертификатттар иеленді. Жобалары «Биолог анықтамалығы» республикалық ғылыми-танымдық педагогикалық журналы басылымының CD-дисклеріне енгізілді.
Мұғалімнің озық тәжірибелері баспасөз ақпарат құралдарына ұсынылып, баспасөз беттерінде жарияланып отырады.
2015-2016 оқу жылының наурыз айында «Биолог анықтамалығы» республикалық ғылыми-танымдық педагогикалық журналының «Үздік слайд-2015» сайысына жобалары;
2016 жылы «infourok.ru» сайтына «Оқушы жетістігін өлшеу құралы ретіндегі Б.Блум таксономиясы» жобасы және «Саңырауқұлақтың табиғаттағы және адам өміріндегі маңызы» тақырыбындағы сабақ жоспары; 2016 жылы «kopilkaurokov.ru» сайтына «Қағанақсыз сүтқоректілер» еңбегі жарияланды.
2017 жылы желтоқсан айында ҚР білім беру мекемелерінің қатысушылары аясында «Биология» пәнінен республикалық олимпиада жүлдегерлерін даярлағаны үшін республикалық «Өрлеу» БАҰО-ның Алғыс хатымен марапатталды.
2019 жылы Тамыз кеңесінде Білім ғылым министрлігінің Шәкәрім атындағы медалімен марапатталды.